Grinzer Mollenjacht

Wat is no it summum fan belutsenens fan in TV programma? Just: it jin eigen meitsjen.
Ôfrûne novimber hawwe Leendert fan Cleopatra en ik in Wa is......de Mol? yn Grins organisearre foar beide ferienings. It grut sukses. Fandêr in ferfolch op 17 maaie mei de finale op snein 21 maaie.

It program:
woansdei 17 maaie:
de jûns START, lokaasje geheim Afterparty: BAZES ferienings

tongersdei 18 maaie:
de jûns Iten op Hendrik Afterparty: ASV Hendrik

freed 19 maaie:
oer deis Yn 'e stêd/ Bernlef Afterparty: FFJ Bernlef

sneon 20 maaie:
oer deis Yn 'e stêd/ Cleopatra Afterparty: ASG Cleopatra

snein 21 maaie:
oer deis FINALE: 22.00 oere Grutte Merke Afterparty: ASG Cleopatra

Âlde kandidaten fan Bernlef oer 'De Mol' :
Leonie Tijsma:
‘'Wa is de mol' en foaral it spyljen fan de mol is foar my in ûnferjitlike erfaring west. Under it spul rekken wierheid en wurklikheid op de achtergrûn en ûntstie ús eigen wrâld, dêr't opdrachten op geweldige lokaasjes en senuwslopende eksekúsjes elkoar ôfwikselen. Mar boppe al it kontakt mei de meikandidaten wie bysûnder. En dat der ûntank alle yntriges en paranoia sa'n bân ûntstean kin tusken minsken dy't in wike dêrfoar noch frjemden wiene, is bjusterbaarlik.’
Jan Ale van der Ploeg:
‘'De Mol' is eigensinnich, spannend, grappich, learsum mar boppe alles tige leuk. It is in totaal paranoïde spul. It is net seker mear hoe dy te gedragen. Wat wol seker is: Tinkst deroan om mei te dwaan: Seker dwaan!’
Maartje van der Weide:
‘It is allegearre sa ûndúdlik! En dat oan it ein ta. Ik kaam der efter dat it sa leuk wie dat it spitich wie dat ik der rap útlei.’
Douwe Schreiber:
‘It spul is ien grutte brainfuck.’
Hein Koelman:
‘WIDM hat my mei 'de neus yn myn eigen gedachten en harsenkronkels drukt'. Seker doe't de Mol, dy persoan wie, wêrfan ik it nea tocht hie. Ik ha der goede freonen by Bernlef en Cleo oan oer hâlden. Sels de Mol mei ik, nei wat der bard is, noch hiel graach. ’